11 – 20 ноябрҙә Сибай концерт-театр берекмәһенең “Сулпан” балалар театры артистары Чебоксар ҡалаһында милли йәш тамашасы театрҙарының «Волга буйы әкиәттәре» Бөтә Рәсәй фестивалендә С.Суринаның «Ҡанифа юлы» спектакле менән М. Сеспель исемендәге сыуаш дәүләт йәш тамашасылар театры сәхнәһендә сығыш яһаны. Режиссеры – З.Сөләймәнов. Был сара Сыуашстан республикаһының баш ҡалаһында театраль форум сиктәрендә үтте.
Спектаклдән һуң абруйлы жюри-тәнҡитселәр спектакль тураһында үҙ фекерҙәрен әйтте, яҡшы тәҫораттары менән бүлеште. Тамашасыларҙан да бик күп йылы һүҙҙәр ишетелде.
Коллектив «Иң яҡшы сәхнәләштереү» (“Лучшая сценография”) номинацияһында диплом менән бүләкләнде.
