Ижадтың – ул һүҙ сәнғәте булһынмы, йырмы, бейеүме, көйҙәр яҙыумы – бер үҙенсәлеге бар, күңел төпкөлөнән һорамайса килеп сыға ла, яңы тыуған балалай, донъяға оран һала. Тормоштоң ығы-зығыһы ла, һауа шарттары ла уға ҡамасау түгел. “Яңы йылым – яңы йырым” концерт программаһы ла йыл башында тулғаҡ тотоп, ауылдар буйлап үҙенең барлығын, ижадҡа тулы хоҡуғы барын иҫбат итә. Күрәһең, тамашасыларыбыҙ ҙа шундай ижади мөхиткә һыуһаған, артистарыбыҙ ҡайҙа ғына барһалар ҙа, бик ихлас ҡабул итәләр – әйтерһең дә, ике яҡтың ихласлығынан яңы йыр тыуа. Урғаҙа, Муллаҡай, Түбәнге Иҙрис, Ғәҙелбай, Юлыҡ, Яйыҡбай ауылдары тамашасылары сибайҙарҙың яңы концертын ҡарап һөйөндө.