Сибай концерт-театр берекмәһе артистары Екатеринбург ҡалаһында уҙған Башҡортостан мәҙәниәте көндәрендә ҡатнашты. Республика көнөнә арналған сараны йырсыларыбыҙ – Башҡортостандың атҡаҙанған артисы Рөстәм Хәсәнов, артист-вокалистар Зәбирә Әминева, Зәриә Рысмөхәмәтова, Йәмил Ғайсин, оркестр музыканттары -Башҡортостандың атҡаҙанған артисы Марс Ишморатов, Айнур Әминов, Расих Садыҡов, «Сибай» халыҡ бейеү ансамбле сағыу сығыштары менән биҙәне. Тыуған яҡтан ситтә йәшәгән милләттәштәребеҙ артистарҙың һәр сығышын көтөп алып, яратып тыңланы, ҡараны.