Сибай концерт-театр берекмәһе артистары Өфөнөң “Нур” татар театрында “Дуҫлыҡ менән көслөбөҙ” концертын ҡуйҙы. Баш ҡала мәктәптәре уҡыусылары өсөн әҙерләнгән Республика көнөнә арналған тамашаны сәхнәгә сығарыуға Өфөнөң Октябрь районы хакимиәте етәкселеге булышлыҡ итте. Ҡыҙҙар-малайҙар милли рух, ватансыллыҡ тойғоһо менән һуғарылған концертты бик йылы ҡабул итте, һәр йыр, бейеүҙе алҡыштарға күмде.
Ижади төркөм шулай уҡ Рәми Ғарипов исемендәге башҡорт гимназияһында ла сығыш яһаясаҡ.