Сибай концерт-театр берекмәһе 31-се ижад миҙгелен мәңгелек йырҙар авторы, яратҡан легендар композиторыбыҙ Рим Хәсәновтың үлемһеҙ йырҙарынан торған шәп концерт менән асты. Йырсылар композиторҙың башҡорт эстрадаһы классикаһы миҫалында мәңгелеккә әүерелгән, башҡорт мәҙәниәте тарихында лайыҡлы урын алған иң матур йырҙарын башҡарҙы. Яңы миҙгелгә яңы концертты режиссер, Башҡортостандың атҡаҙанған матбуғат һәм киң мәғлүмәт хеҙмәткәре, яҡташыбыҙ Рита Өмөтбаева әҙерләгән.