Ҡәҙерле дуҫтар!
Ихлас йөрәктән һеҙҙе Бөйөк Ватан һуғышында Еңеүҙең 77 йыллығы менән ҡотлайбыҙ!
9 май илебеҙҙең һәр ғаиләһе өсөн изге көн. 1945 йылдың яҙында тыуған еренә күптән көтөлгән Еңеү килтергән көн хәрби дан һәм илһөйәрлек, фронт батырлығы һәм хеҙмәт ҡаһарманлығы, ҡаҡшамаҫ тотороҡлоҡ байрамын алып килә. Ватаныбыҙ өсөн йәнен аямаған герой-һалдаттарҙың исеме хәтеребеҙҙә мәңге һаҡлана.
Был көндәрҙә ихлас рәхмәт һәм хөрмәт һүҙҙәре һеҙҙең өсөн яңғырай, ҡәҙерле ветерандар! Һеҙ Тыуған илебеҙҙең бойондороҡһоҙлоғон яҡланығыҙ, илдең ҡеүәтен ҡайтарҙығыҙ һәм нығыттығыҙ, тыныс көндәрҙә лайыҡлы хеҙмәт иттегеҙ һәм балаларҙы, ейән-ейәнсәрҙәрҙе, бүлә-бүләсәләрҙе яңы ҡаҙаныштарға дәртләндерәһегеҙ.
Ысын күңелдән һеҙгә ныҡлы һаулыҡ, оҙон ғүмер, именлек һәм изгелектәр теләйбеҙ! Еңеү көнө менән!